الخميس 03 يوليو 2025 | 11:51 صباحاً الفنانة بتول الحداد دانة الدوسري ظهرت الفنانة المصرية بتول الحداد تبكي في مقطع فيديو, بعد تعرضها للضرب والإهانة والابتزاز من برلماني سابق يريد الزواج منها غصبا عنها, وفي إطار حرص موقع السعودي اليوم, علي تقديم كل ما يهم القراء, نستعرض ما جاء في الفيديو بالتفصيل. تهديد و ضرب وطلب زواج بالإكراه حيث أفادت بتول الحداد خلال الفيديو, بقولها ' أنا بتول بكل أسف بيتعرض لي شخص كان نائب سابق في مجلس الشعب, مش قادرة أقول اسمه عشان ميبقاش سب وقذف بعد كل اللي بيحصل فيا', وتابعت بقولها 'كنت بحبه سنتين وهو بيحبني، وكنت دايما برجع وأقول أنه مينفعش وإن هو مسيحي وأنا مسلمة وإنه مش هينفع، اتفقت أنا وهو إننا منكملش عشان مش هينفع, جالي خطوبة اتنين من أصدقائي وعملي مشكلة والناس لما شافوه بياخدني من وسطهم اتخانقوا معاه وأنا نزلت جري قعدت في عربيتي عشان مش عارفة أروح فين,وعشان خايفة أروح بيتي وخايفة على نفسي على أصحابي'. ملاحقة وضرب مستمر وأضافت خلال الفيديو ' كلمته قلت له لو عندك مشكلة معايا تعالى حلها معايا, وبلاش فضايح قدام الناس أنا معروفة وأنت معروف وبلاش تعمل كده, ضربني في العربية وشي وارم ورقبتي وارم لدرجة أن الناس بتوع الباركينج شالوه من فوقي قبل ما يموتني'. كما ذكرت أيضاً ' أنا بعمل اللايف ده بناء على نصيحة حد أعرفه كويس, قال لي ده اللي ينقذك أنا لا عايزة أعمل لايف ولا عايزة فضايح لنفسي ولا لحد، بس أنا لو حصل لي حاجة أو شركتي حصلها أو صحابي أو أهلي حصلهم حاجة هيبقى الإنسان ده هو السبب'. مطالبة بـ عدم التعرض وخلال الفيديو, أوضحت بتول, بقولها ' أنا مش عارفة أروح فين ولا اجي منين ولا قادرة أروح بيتي, لأنه لما بيعرف أنا فين بيروح المكان وبيعمل مشاكل ودي مش أول مرة من سنة عمل كده, وضربني في الشارع والناس حاشوه عني'، كما وجهت كلامها لمتابعيها، قائلة 'أنا بستنجد بيكم وأنكم تقفوا جنبي مش عايزة أكمل في حاجة غصب عني، أنا اتهنت وانضربت عايشة تحت التهديد وطول الوقت باحاول أتكلم مع البني آدم ده, لأنه طول الوقت بيبتزني ومعيشني في رعب ورهبة وأنا طول الوقت بحاول أتكلم معاه واهدي الدنيا عشان أبقى عايشة في أمان'. إلا أنها أشارت خلال الفيديو إلي ' أنا خلاص أنا يا إما هموت نفسي عشان أنقذ نفسي من البني آدم ده, يا إما هو يبعد عني ويتعهد أنه يبعد عني'، كما أضافت ' ده واحد مصمم نبقى مع بعض بالعافيه هو مسيحي وأنا مسلمة يعني مصيبة كل مرة كنت بحاول أبعد كنت بتأذي وانضر وكنت بحاول أمشي الدنيا من غير ما أعمل حاجة غلط'. وإختمت كلامها، قائلة'أنا خلاص حاسة أني في كابوس ومش عارفة أفوق منه.. وحاولت أسيب البلد كلها وأمشي مش عارفة لأن شغلي هنا ومستقبلي هنا، بقالي 13 سنة شغالة في التمثيل'.
