كشفت المطربة رحمة عصام عن كواليس تعرضها لحادث خطير على الطائرة مؤخراً، وقالت: "عمرى ما كنت أتخيل إنى أكتب بوست زى ده، بس الحقيقة فى حياتنا نعم كتير مش واخدين بالنا منها، ركبت الطيارة النهارده عادى، راجعة من دبى للقاهرة، والأمور كانت تمام، فجأة يحصل عطل في محركات الطيارة ويختل توازنها وتهبط مرة واحدة لمستوى قريب من الجبال".

وأضافت: "الأكسجين بيقل والذعر بيعم المكان، والطاقم بيجرى ورا بعض ومحدش فاهم فى إيه، والنفس بيضيق أوى، خلاص بنستسلم للنهاية الحتمية إن الطيارة بتقع".

ثم اختتمت بقولها: "لحظات صعبة ومرعبة تلات ساعات من الرعب في الجو، وعلى أساسها الطيار مكملش لمطار القاهرة، رجع تانى ع مطار دبى، الحقيقة إنه مفيش حاجة ف الدنيا مستاهلة، وإنه ف لحظة ممكن كله يخلص وينتهى وأنت مش حاسب له حساب، فاللهم ارحمنا برحمتك رحمة تغنينا بيها عمن سواك".

وكان المطرب الشعبي طارق الشيخ على نفس الطائرة، وسبق أن طمأن جمهوره عبر فيديو حصري لليوم السابع، وذلك عقب تعرضه لموقف طارئ خلال عودته إلى مصر قادمًا من دبي، وقال: جمهوري الحبيب كل سنة وانتم طيبين، الحمد لله أنا بطمنكم عليا، الحمد لله ربنا نجانا ونجي كل اللي في الطيارة، وإحنا الحمد لله لسه واصلين مصردلوقتي، اللهم لك ألف حمد وشكر يا رب، ودا فيديو خاص لليوم السابع بطمن جمهورى من خلاله، ألف حمد وشكر ليك يا رب" .

وكان نجم الأغنية الشعبية طارق الشيخ قد تعرض لموقف طارئ خلال عودته إلى مصر قادمًا من دبي، بعد إحيائه عدة حفلات بموسم رأس السنة والاحتفال بآخر أغانيه كله فيك مع مسلم، بعدما تعرضت الطائرة التي كان يستقلها لعطل فني مفاجئ عقب إقلاعها.