كتبت لبنى عبد الله

وجه ميدو فؤاد شقيق كريم فؤاد نجم النادي الاهلي الشكر لجماهير القلعة الحمراء علي وقوفها بجوار شقيقه في محنته القاسية مؤكدا أن الإصابة بسيطة

وكتب ميدو فؤاد عبر صفحته الرسمية على موقع التواصل الاجتماعي فيس بوك

أولاً: الحمد لله إصابة كريم طلعت أبسط بكتير من الكلام اللي كان منتشر على بعض الصفحات، وربنا فداه بحاجة بسيطة، وإن شاء الله رجوعه هيكون قريب جداً ❤️
ثانياً: أنا حابب أشكر كل الناس اللي كلمتنا وسألت على كريم .
وشكر خاص جداً لجمهور الأهلي… بصراحة بقالي يومين بفتح السوشيال ميديا وأتفرج على رسائلكم ودعواتكم له، ومش قادر أوصف قد إيه أنا فرحان بالحب اللي في قلوبكم لكريم.
اللي شوفته من جمهور الأهلي من دعاء وإهتمام والناس كلها متابعه  مشفتهوش قبل كدا انا مبسوط جدا والله ومتاكد انكم بدعائكم دا كنتم  سبب بعد ربنا سبحانه وتعالى ان الاصابه تبقه بسيطه
إن شاء الله كريم يرجع أقوى… ويرد الحب ده كله في الملعب قريب

طبيب الأهلي: الخبير الألماني يحدد طريقة علاج كريم فؤاد
قال الدكتور أحمد جاب الله، طبيب الفريق الأول لكرة القدم بالنادي الأهلي، إن الأشعة كشفت عن إصابة اللاعب كريم فؤاد بقطع جزئي في رقعة الرباط الصليبي، وتم إرسال التقرير الطبي والأشعة إلى الخبير الألماني الذي أجرى له الجراحة الأخيرة منذ فترة، وذلك للتشاور معه بشأن تحديد طريقة العلاج المناسبة، ومحاولة تقليص مدة غياب كريم فؤاد عن صفوف الفريق.