سردت السعودية، الجوهرة المحسن، التي تقيم في أبوظبي موقفاً عاشته، أشْعَرَها بالأمن والأمان في دولة الإمارات.
وقالت الجوهرة: «أهلاً وسهلاً، مساء الخير. يعني والله طول الوقت قاعدة أنتظر شيء يخلص عشان أقولكم الموقف. اليوم أنا جاية أبوظبي وفي الطريق في السمحة، ماسكة المسار اليسار، وأنا أشوف فيه شيء نازل.. هل هي مضاد صواريخ؟ شظية؟ فيه شيء نازل! ونازل يعني بينزل علينا، يعني بينزل على المسار اليسار أشوفه قدامي يعني.. لو أنا تقدمت زيادة بوصل له».
وأضافت: «أنا ما عرفت إيش أسوي، هديت.. فتحت يمين، إلا أشوف من وراي تجي دورية، والله ماشية ألف، وفاتح (السفتي) يبغى السيارات تفتح، ومتوجه له».
وتابعت: «وأنا قاعدة أشوف.. وكأنه يبغى كل السيارات تبعد عنه، لو نزل عليه (بسم الله عليه) بينزل عادي وهو رايح، لين ما الحمد لله ربي سلّم ولا نزلت على أحد ولا جاء أحد شيء».

لم يتردد

وأوضحت الجوهرة المحسن: «لما شاف إن الوضع أمان وخلاص، طفى (السفتي) ومشى عادي، وأنا طول الوقت قاعدة أفكر كيف ردة فعله، ولا تردد ولا فكر وعلى طول تصرف، يعني عارف إنه فيه أحد قاعد يحرسك، قاعد يتأكد إنك أنت بسلام وأمان».
وقالت: «الحمد لله، إحنا بخير، والله يحفظ بلاد الخليج يا رب، ويحفظنا ويحفظ أرضنا وسماءنا وشعبنا، ويرد كيد من أراد بنا شراً أو سوء».
وأضافت: «كيف ما ترجع الحياة طبيعية؟ كيف ما نطلع وما نتحرك وإحنا عارفين إنه ما شاء الله تبارك الله في منظومة بهالحجم؟ في واحد يفتدي نفسه بس عشان إحنا نكون بخير.. الله يجزاكم الجنة ويقويكم ويسدد رميكم ويرد كيد من أراد بنا شراً أو سوءاً.. والحمد لله».