نانا قاسم -ما هى الاسباب والدوافع القانونية الداعية إلى طلب خلع زوجك؟=ممكن ترجمة لو سمحت ؟-يعني ايه اسباب الخلاف ؟=بيشخر-نعم ؟! حضرتك عايزة تخلعي جوزك عشان بيشخر ؟!!=اه-بيشخر في البيت ؟=طبعا-داهية يكون بيشخر وهو نايم !!=اكيد-ده تسيب ، ده استهتار ، الدنيا جرالها ايه يا ناس ، يعني ايه راجل محترم يشخر في بيته وهو نايم=ما انا كمان زهقت مكنتش اعرف ان الجواز ممل بالشكل ده-هو حضرتك متجوزة بقالك قد ايه ؟=3 شهور-3 شهور !! وايه اللي سكتك المدة الطويلة دي كلها ؟!=عندك حق ، انا فعلا صبرت عليه كتير-اطمني يا مدام ، انا هترافع في القضية دي وهكسبها ، بس هترافع عن جوزك ، قال بيشخر قال ، ما كل الناس بتشخر ده مش بعيد القاضي اللي هينظر القضية يكون بيشخر نقوله ايه ساعتها ؟! انتى ميأدبكيش غير بيت الطاعة ، قسما بعزة جلال الله لو انتي مراتي لأخلي فراش الزوجية بتاعك حصيرة وقُلة مياه واقعد اشخرلك ليل ونهار بسبب وبدون سبب ولو خرجت هجيبلك شخارة بالكهربا
