دعوى خلع في محكمة الأسرة أقامتها نورا بعدما تحملت أكثر من 14 عام في حياة مليئة بالذل والإهانة بسبب رغبة الزوج في ولد، ولكن الحظ لم يحالفها إلا بإنجاب البنات، تحملت من أجلهم كل هذا الذل من أجل الحفاظ على عش الزوجية لعل الأمور تتغير في يوم من الأيام، ولكن كانت المفاجأة بعد ما انجبت له الولد قرر الزواج من أخرى.

بيعايريني عشان خلقتي كلها بناتي”، بهذه الكلمات بدأت نورا حكاياتها لقاضي محكمة الأسرة مضيفة: “معيشني في ذل من ساعة ما اتجوزنا عشان خلقتي بنات وربنا مرزقنيش غير ببنات وهو مش عاجبه وعايز الولد اللي نفسه فيه، كل خناقاتنا ومشاكلها كانت بسبب الحوار دا بعد ما بخلف كل بنت، ناس كتي فهمته إن الموضوع دا مش بإيدي ودي ارزاق بس هو مش مقتنع ومعاملته معايا كلها قرف بسبب خلفتي اللي كلها بنات”.

تحملت نورا هذه الحياة من أجل بناتها الأربعة ولكن الأمور كانت تزداد سوءً كل يوم بسبب معاملته القاسية معها، استكملت رواياتها قائلة: “بقالي على الحال دا 14 سنة كاملين وأنا مستحملة عشان خاطر بناتي وكنت فاكراه إنه هيعرف إن دي حاجة مش بإيدي بس كانت معاملته معايا بتزيد في قلة أدبه وشتيمته ليا طول الوقت عشان خلفة البنات اللي هو مش معترف بيها”.

انجبت نورا الولد بعد 4 بنات، وظنت أن حياتها تتبدل ولكن في الحقيقة أنه ذهب للزوج من أخرى، قصدت نورا محكمة الأسرة في النهاية بعد ما فشلت كل محاولاتها في إسعاد زوجها وأقامت دعوى خلع منذ 6 شهور، أنهت حكاياتها قائلة: “في السنة الأخيرة حملت في ولد قلت خلاص المشاكل اللي بينا هتتحل وهو هيغير معاملته معايا ونعيش حياة كويسة عشان جبتله الولد اللي نفسه فيه، بس الحقيقة إنه راح اتجوز عليا بعد ما خلفت الولد، وقال لي أنا مش عايز منك حاجة”، ولا تزال الدعوى منظورة في المحكمة حتى الآن،