قالت الفنانة أيتن عامر: “لحد دلوقتي بتخانق مع أختي وفاء عامر بسبب تصريحها الشهير بإن الست هي المسئولة عن خيانة زوجها لها، ولحد هذه اللحظة أنا رافضة التصريح تماما”.
خيانة الرجل
وأضافت أيتن عامر خلال لقائها ببرنامج “العرافة” المذاع على قناة “النهار”: “الست عمرها ما كانت مسئولة عن خيانة الراجل”.
رفض وفاء عامر طلاق شقيقتها أيتن
وأكدت: “وفاء عامر كانت رافضة طلاقي، وعمر ما كان للخيانة مبرر، والست مش مسئولة عن خيانة الراجل ليها، والرجل بطبعه لا تكفيه امرأة واحدة بنسبة تصل إلى 90%، وإلا مكنش ربنا حلل لهم التعداد”.
سبب طلاق أيتن عامر
وأكدت أيتن عامر، أن السبب الحقيقي وراء طلاقها كان الخيانة، متابعة: “لما كنت مخطوبة تعرضت للخيانة ولما اتجوزت اتخنت”.
خلافات أيتن عامر مع طليقها
ولفتت: “فيه خلافات مع طليقي ولكني أنا وأبو أولادي مش هنقف قصاد بعض قدام المحاكم أبدا مهما يحصل، ولكن أنا رد فعل لو رفع عليا قضية هدافع عن نفسي، ورفعت قضية ضده بسبب قيامه هو بقضايا ضدي، وواقعة اعتدائه عليا في الكومباوند وخطف الأطفال الأمن الخاص بالكومباوند هو اللي بلغ”.
أزمة وفاء عامر مع طليقها
وأكدت: “أنا وطليقي لاَخر يوم في حياتنا هنبقى زي ناقر ونقير، ومش كل اتنين بينفصلوا بيبقى علشان بطلوا يحبوا بعض ولكن أحيانا الانفصال علشان ميكرهوش بعض وممكن الواحد يبقى جنبه حد مش أمين عليه علشان كده بقول يارب ارزقني على الصحبة الصالحة اللي تدلني على الخير، وطليقي ممكن يكون حد بينصحه غلط”.بكت الفنانة أيتن عامر بسبب انفصالها مؤخرا عن مدير التصوير محمد عز العرب، قائلة: “تجربة الطلاق أبشع تجربة ممكن إنسانة تمر بيها ومش قادرة أتخطاها”
استنزاف أيتن عامر
وتابعت خلال لقائها ببرنامج “العرافة” المذاع على قناة “النهار”: “الست ممكن تنور بعد الطلاق ولكن فيه فترة ممكن تكون استنزفت خلال الزواج فلما يحصل الطلاق بترجع تاني تنور زي ما كانت منورة من قبل ولكن الطلاق حدث جلل ومش سهل”.
معاناة أيتن عامر
وأوضحت أيتن عامر: “بعد الانفصال كنت رافضة تماما أتكلم في الموضوع ده علشان أنا طول عمري مبحبش حياتي الشخصية تبقى على المشاع، دايما عندي مساحة من الخصوصية بحب أحترمها، طليقي فعلا بني اَدم كويس وإلا مكنتش اتجوزته”.
رسالة ياسمين عبد العزيز
وتابعت: “الناس ملهاش علاقة إحنا اتطلقنا ليه وأنا قلت لياسمين عبد العزيز الكلام ده، وقلت لها ربنا يسعدك ويسعده ويعملكوا الخير، وكان نفسي الناس تقولي كده ولا تنتقدني ولا تنتقده”.
قضايا الطلاق
ولفتت: “بعد سنة من الطلاق حصل محاضر وقضايا واتهامات، وأنا خلاص قربت أكمل سنتين على الانفصال”.
