كشفت الفنانة دينا الشربيني، عن ارتباطها مؤخرًا بشخص مصري يدعى حسين من خارج الوسط الفني، لافتة إلى أنها تعيش معه قصة حب. حلم الأمومة وقالت دينا الشربيني خلال لقائها ببرنامج “كلمة أخيرة” الذي تقدمه الإعلامية لميس الحديدي بقناة “أون”: “نفسي أخلف 6 عيال إحنا 4 إخوات 3 بنات وولد وأنا بحب فكرة العزوة ويبقى البيت مليان”. زواج دينا الشربيني وأكدت: “هاكون عروسة وأتجوز بس كله بوقته وأنا فعلا في قصة حب وطلعت قلت كده من فترة وهو شخص بحبه جدا وجدع جدا وباحترمه جدا وبان جدا أصله وقت ظروف أهلي وهو شخص مصري خارج الوسط الفني”. حقيقة ارتباطها بإعلاميوتابعت: “مش هرد على الشائعات اللي اترددت بشأن إني هاتجوز حد من الوسط أو إعلامي مش بحب أرد”. قصة حسين الذي ارتبط بدينا الشربينيولفتت دينا الشربيني: “الشخص اللي أنا بحبه اسمه حسين وهو بيشتغل في بيزنس خارج الوسط الفني وإحنا نعرف بعض وبنتقابل وسط أصحابنا لحد لما ارتبطنا وهو محترم جدا وبيراعي ربنا في حياته وعنده حتة دينية وجدع ولذيذ وداعم وسند ليا في كل الظروف، وهو أبعد ما يكون عن الأضواء واستحالة يبقى قريب من الأضواء واحنا شبه بعض في كل حاجة ما عدا الأضواء وهو متفهم إني شخصية مشهورة ومش بيضايق من الناس اللي بتحب تتصور معايا وهو بينبسط لإنبساطي”. رضا الوالد عن حبيب دينا الشربينيوأكدت دينا الشربيني: “أبويا الله يرحمه كان بيحب حسين الشخص اللي انا مرتبطة به، ودي نقطة مهمة بالنسبة لي وكان موافق علي ارتباطه بيا”. دينا الشربيني توجه رسالة لـ محمد صلاح بعد اتصاله بهاأعربت الفنانة دينا الشربيني، عن سعادتها بمتابعة نجم ليفربول الإنجليزي ومنتخب مصر محمد صلاح لمسلسلها الرمضاني “كامل العدد”. مشاهدة محمد صلاحوقالت دينا الشربيني خلال لقائها ببرنامج “كلمة أخيرة” الذي تقدمه الإعلامية لميس الحديدي بقناة “أون”: “انبسطت أوي من مشاهدة محمد صلاح لمسلسل كامل العديد، وإعجابه بالعمل الرمضاني”. رسالة دينا الشربيني لمحمد صلاحولفتت: “محمد صلاح بعتلي وكلمني وقال لي إنه بيتابع مسلسل كامل العدد ومبسوط منه، وأنا بوصل له رسالة إن إحنا فخورين بيك أوي”. تراجيدي دينا الشربينيفي نفس اللقاء قالت الفنانة دينا الشربيني: “كنت مذيعة فاشلة وبطلع أقول أي حاجة لإن محستش إنها مهنتي، لحد لما لقيت نفسي في التمثيل وحققت نجاح وعملت حاجة أبقى ماشية مبسوطة بيها في مسلسل كامل العدد”.وأضافت: “قعدت فترة علشان ألاقي توليفة دينا الشربيني، بحب التراجيدي والنكد في التمثيل أكتر من الكوميدي لإن فيه تعب ومذاكرة وبافضل متأثرة شوية بالدور، لكن الكوميدي إننا نضحك حد صعبة شوية”. جزء ثالث من مسلسل كامل العددولفتت دينا الشربيني: “من المفترض أن يكون فيه جزء ثالث لمسلسل كامل العدد، والمؤلفة هتقعد وتشوف لو فيه قصص وحكايات تنفعنا في عمل جزء ثالث”. قيمة فنية لدينا الشربيني وأكدت: “مسلسل كامل العدد متهيألي إنه حطني فنيا في مكان تاني ولكن أشكر ربنا على ردود فعل الناس الإيجابية على دوري، وحسيت إن ربنا بيطبطب عليا وأكرمني بحب الناس”. رسالة مسلسل كامل العددولفتت: “مش معنى إن واحدة اتطلقت مرة أو اتنين أو تلاتة إن حياتها خلصت وانتهت لأ بالعكس هي قادرة تبدأ حياة تانية جديدة ودي رسالة مسلسل كامل العدد”. وتابعت: “مهما بيحصل في الحياة لأي حد فينا مش معنى كده إننا انتهت حياتنا لأ إحنا قادرين نكمل بشكل أفضل وأقوى وأحسن”. الأكثر قراءة