قالت شيماء الجارحى صانعة المحتوى على السوشيال ميديا و محاربة السرطان انها علمت بالصدفة اصابتها بالسرطان و كان اثناء موجة كورونا عام ٢٠٢٠ . و اضافت خلال لقاءها مع الاعلامى دكتور عمرو الليثى ببرنامج واحد من الناس على شاشة الحياة ، و انا مريضة جيوب انفية و كنت عند الدكتور بعمل منظار على الانف لاقى حاجة مش مظبوطه فقال لى نعمل دلالة اورام و طلعت النتيجة ايجابية و قالى لازم اتابع مع دكتور اورام . وتابعت شيماء لما روحت للدكتور استغرب من صغر سنى و اصابتى بهذا المرض ، و حالتى كانت فى البدايات و معانتى لم تكن مع طريقة العلاج بالكيماوى ، لكن هى كيف اخذ الدواء و احنا فى كورونا ، السرطان بيوقع المناعة لدرجة انك مادة خصبة جداً للكرونا و بالفعل جالى كورونا من الدرجة الثالثة . و تابعت شيماء و بعد ٤ شهور قمت باجراء تحاليل السرطان ووجد انه عاد مرة اخري لكن فى القولون ، و اتعلجت و بعد سنة و ثلاث شهور رجع مرة تالته لى ، و دى كانت اصعب مرة بالنسبة لى لانى كنت لسه منفصلة و كنت حامل فى بيبى وبدأت اعمل فيديوهات كوميدى على السوشيال ميديا ، و لاقينا كل نسب التحاليل بتنهار اكتر من المرتين السابقين ، و كانوا معلقين لى كانوله فى رقبتى و كنت خلاص بهيأ نفسي انى بموت ، و الحمد لله بعد جلسات الاشعاع الدكاترة قالوا لى انى الحمد لله خفيت خلاص و انا مكنتش مصدقه . و اضافت انها بدئت تعمل فيديوهات كوميدية تدعم فيها محاربات السرطان و عجبت الناس جداً و لاقت تفاعل على السوشيال ميديا ، كما اننى ايضاً مطربة اوبرا ، و قامت شيماء بالغناء لأول مرة بعد مرحلة الشفاء بصوتها الرائع أغنية ” في يوم وليلة” و ابهرت الدكتور عمرو الليثي .