كشف عمرو يوسف عن سر أخفاه على زوجته الفنانة كندة علوش ووالدته بسبب مشهد خطير في فيلم شقو، وذلك في لقائه مع الإعلامية منى الشاذلي في برنامج معكم والذي استضاف يسرا وكريم السبكي.

فيلم شقو

وكشف عمرو يوسف عن أحد المشاهد في فيلم شقو قائلاً إنه أخفى عن كندة علوش، زوجته، وعن والدته الأمر تجنباً لإثارة القلق موضحاً: "مشهد السقوط كان صعبا وخطرا جدا الحقيقة.. وده مشهد لو ما اتصورش كويس  والمخرج أخد الشوت إلي عاوزه مش هعملها، وتم تصوير المشهد 8 مرات، طبعاً لم أخبر  لكندة علوش على مشهد السقوط ده، والست اللي ساكنة في العمارة كانت خايفة جدا من المشهد وكان بتقول ليا ليه كده يا ابني.. أنا مش عبيط أقول لمراتي كندة علوش أو ووالدتي إن لقطة الأكشن اللي قفزت فيها من الدور الخامس بعمارة بوسط البلد كانت حقيقية".

وأضاف: "في النهاية أنا لازم أبقى واثق في المخرج اللي أنا شغال معاه علشان أعمل القفزة اللي عملتها في فيلم شقو،  وده اللي كان مطمني ولازم طبعاً أبقى واثق في أندرو المسؤول عن الأكشن والحبال اللي معمولة وأنها مؤمنة جيداً".

وعن رد فعل والدته على مشهد القفز قال عمرو يوسف: "والدتي يوم العرض الخاص لما شافت المشهد قالت لي  ده مش حقيقي قولتلها آه يا ماما المشهد مش حقيقي طبعاً وبعد انتهاء الفيلم قولتها ده Fake وشغل سينما وكده، لكن أخويا الصغير هو اللي عرف والدتي إن المشهد حقيقي وقالي: أنت إزاي عملت كده؟ وقلقت طبعاً".

 من جانبه قال كريم السبكي مخرج فيلم شقو: "الأمان بتاع الأحبال لو هي مش معمولة بشكل أمان ومؤمنة بشكل كامل أنا ما أقدرش أقول لعمرو يوسف نط النطة اللي عملها في فيلم شقو طبعاً لأن جزء من تصوير المشهد ده بشكل كويس هو إنه كان فيه تأمين قوي للأحبال والأدوات اللي هنعتمد عليها طبعا وإلا ما كنتش صورت المشهد".

 يسرا وعمرو يوسف

 وعبر عمرو يوسف عن امتنانه لمشاركة يسرا في الدور قائلاً: "كنت مقتنع أن دور الدكتور ده مينفعش حد يقدمه غير للنجمة يسرا، وطلبت مقابلتها في كافيه وشرحت لها الدور، وقررت بعدها تعمله على طول.

وكانت يسرا تحدثت عن دورها في فيلم شقو ومشاركة عمرو يوسف فيه قائلة: "دوري في الفيلم كان مكتوباً في البداية لراجل، وعندما وافقت على تقديمه، تم تغييره إلى دور سيدة شريرة.. وفيلم شقو شدّني بأحداثه الشيقة والجديدة، خصوصاً إن عمرو يوسف شرح لي قصة الفيلم وأعجبتني كثيراً جدا جداً وده كان من بين الأمور اللي شجعتني على الموافقة على الفيلم".

 وعن رأيها في مشهد عمرو يوسف قالت يسرا: "عمرو يوسف عمل الأكشن بتاعه بشكل هايل ما حصلش وعمل قفزة رهيبة من على ارتفاع 5 أدوار، هو كمان لايق عليه الأكشن وأنا مصدقاه جداً  والقفزة مكنش فيها قاطعة، اللي عمله طبعاً شيء يخوف".

 فيلم شقو

 يذكر أن فيلم شقو للمخرج كريم السبكي يشارك في بطولته نخبة من النجوم بينهم دينا الشربيني، أمينة خليل، أحمد فهمي، عباس أبو الحسن، وليد فواز، محمد جمعة، محمود الليثي، جميل برسوم، حنان يوسف.

 وقدم نجوم العمل أدوار جديدة عليهم، خاصة الفنانة أمينة خليل والتي ظهرت بدور راقصة شعبية في أول مرة تقدم فيها هذه الشخصية، بعد أن اعتادت تقديم دور فتاة من الطبقة الأرستقراطية في أغلب أعمالها.