رجل أعمال الصبح وممثل بعد الظهر، قطار الجواز فاتوا لحد ما كسر الـ 50 عشان كان مهتم بالبيزنس، وعنده مزرعة خيول من أغلى السلالات في العالم وسلسله مطاعم بتجيب له ملايين كل شهر، ده غير شركة السياحة اللي من اكبر شركات السياحة في مصر وشركات استيراد وتصدير للأجهزة الكهربائية، بياخد في المسلسل 30 مليون جنيه ، وعنده جناح في الفور سيزون قاعد في لوحده، الوجه الاخر للبيزنس مان مصطفى شعبان:

يعد مصطفى شعبان من الفنانين اللي قافلين على نفسهم والناس ما تعرفش حاجه عن حياتهم الشخصية،  لكن اللي يجرب منه يعرف تفاصيل حياته والمشاريع اللي بيديرها تتأكد انك قدام رجل اعمال ناجح وبيفهم في حاجات كتير والفن مش مصدر رزقه الوحيد.

مصطفى شعبان بدا حياته المهنية بعد ما تخرج من كلية الاعلام وعمل مساعد مخرج وبعد فتره انضم لفرقه الفنان محمد صبحي واكتشف نفسه في التمثيل والدنيا مشيت معاه .

عمل مصطفى شعبان لنفسه مزرعة كبيره من الخيول وكان يختار افضل الخيول العربية الأصيلة، ولما الموضوع كبر معاه، شعبان عمل لنفسه بيزنس كبير وبيكسب مبالغ كبيره خرافية بسبب الخيول لدرجة انه في سفراء ومسؤولين من دول عربية بيزوروا المزرعة بتاعته مخصوص وقالوا عليها انها بتضم افضل انواع الخيول العربية الأصيلة.

مصطفى لم يكتفي بكده وعمل افتتاح ما حصلش وعزم في كل زمايله الفنانين في مطعمه الجديد اللي اصبح حاليا سلسله مطاعم كامله يديرها بنفسه.

بجانب هذا فتح مصطفى شعبان شركه سياحه كبيرة، وعنده شركات تانية للاستيراد والتصدير بيصدر ويستورد اجهزه كهربائية، كل ده بيعملوا مصطفى شعبان ورغم كل المشاريع والبيزنس اللي وراها لكنه محافظ على تواجده كل سنه في شهر رمضان في مسلسل جديد واجروا بقى من اعلى الممثلين في الدراما وخصوصا انه طلعت تسريبات الفترة الأخيرة عن اجر مصطفى شعبان في مسلسل المعلم واللي يتجاوز الـ 30 مليون جنيه ليكون من اغلى النجوم اللي بيشاركوا في سباق رمضان.