belbalady.net قال الطفل الفنان سليم يوسف، إنه يجسد دور ابن النجمة نيلي كريم، مؤكدًا أن تجربته في الفيلم كانت مليئة بالمتعة والاكتشاف: "أنا بجسد دور ابن نيلي كريم في الفيلم، وفعلًا الكواليس عجبتني جدًا، خصوصًا لما رحت أماكن جديدة زي وادي دجلة والفيوم، ورحنا كهف لأول مرة، وده كان ممتع جدًا."
 

وأضاف ‘يوسف’، في تصريحات خاصة، لموقع الفجر الفني خلال العرض الخاص لفيلمه الجديد “جوازة ولا جنازة”، أن أكثر ما أعجبه كان العمل مع فريق عمل مميز، من بينهم نيلي كريم، لبلبة، شريف سلامة، والمخرجة أميرة دياب: "اتبسطت جدًا وفريق العمل حبيتهم كلهم، وكنت دايمًا عايز أقعد معاهم طول الوقت. المخرجة أميرة دياب كانت أكتر حد بيساعدني، ودايمًا بتأكدلي إني أركز في المشاهد ومفيش حاجة تعطلني أو تسرح بيه."

وأكد الطفل الفنان حرص فريق العمل على توازن الدراسة مع التصوير: "وقت التصوير بيأجلولي الامتحانات، وبعد ما أخلص تصوير برجع أرجع أذاكر وأمتحن، وأوقات بذاكر وأنا في الكرفان وقت التصوير. التجربة علمتني التنظيم والتركيز جدًا."

وفي لمحة عن أحلامه المستقبلية، كشف سليم عن طموحه الكبير في مجال السينما:
"نفسي لما أكبر أبقى مخرج، لأن أنا بحب الأخراج جدًا وعايز أتعلم كل حاجة عنه."