أعربت الفنانة إيمان العاصي عن سعادتها بعد انتهاء عرض مسلسلها قسمة العدل مع الفنان محمد جمعة، وعدد كبير من الفنانين.
وكتبت إيمان العاصي عبر حسابها بموقع فيسبوك: “من القلب للقلب مسلسل أتعمل بحب وشغف وإصرار على أنه يوصل للناس كلها أنه يحكي حكايات كتير عن كل بيت وعن كل ست وراجل وكل موقف ممكن يمر علينا كلنا أنا قلبي مبسوط قوي لأنه كان كل همي الفكرة تنجح والحمدلله على استقبالكم كان أكتر بكتير كمان من ما كنت أتمني قلبي مبسوط بالنقد الأيجابي والسلبي في الحالتين الفكرة وصلت ونختلف ونتفق عادي”.
وأضافت إيمان العاصي: “بشكر أولًا الجمهور العظيم والكبير اللي يفرح قلب أي فنان من قلبي بشكركم.. بشكر الشركة المتحدة أستاذ عماد ربيع وأستاذه دينا كريم وأستاذ هاني عبالله على الدعم الكامل بكل إيمان بالموضوع.. زمايلي وأصحابي أهم فنانين مصر بحبكم جدًا وزعلانة أن الرحلة خلصت قوي وهتوحشوني قوي قوي”.
وتابعت: “بشكر الأساتذه المؤلفين اللي اتشرفت قوي بالشغل معاهم حقيقي استحملتوني كتير واستحملتوا قلقي المستمر وبشكر أستاذ بهاء بدعيش مدير التصوير على إخلاصه وحبه للعمل وحقيقي مجهودك كان كبير شوفناه في التصوير وحسه المشاهد.. المايسترو العظيم خالد حماد طول عمرك عظيم وببساطة بتوصل الحاله للمشاهد بمزيكا العظيم.. دنيا عبد المعبود رسمت شكل الشخصيات كل حد مختلف ومظبوط بشكل يتصدق حقيقي مبهرة”.
واختتمت: “بنات ورجالة الإنتاج عمرو وبيبو وسلمى وكوكا بحبكم وانتوا عارفين وأغلى الناس بقي هما التييم الجامد قوي بحبكم قوي ودايمآ معايا في كل حاجة ودائما في ضهري، وأاولًا وأخيرًا الجمهور الجمهور الجمهور أنتم أكبر وأهم إنجاز ليا ولأي فنان شكرًا يا أحلى الناس وآسفة لو نكدنا عليكم”.
ملحوظة: مضمون هذا الخبر تم كتابته بواسطة الطريق ولا يعبر عن وجهة نظر مصر اليوم وانما تم نقله بمحتواه كما هو من الطريق ونحن غير مسئولين عن محتوى الخبر والعهدة علي المصدر السابق ذكرة.
