كتبت ندى مجاهد
الأربعاء، 08 يوليو 2026 06:29 مأعلن عبد الرحمن الحسينى نجم الكرة الطائرة بالأهلى عن انتهاء مشواره خلال الفترة الحالية مع النادى الأهلى بإنتهاء تعاقده، لخوض تجربة جديدة فى الاحتراف.
عبد الرحمن الحسينى يودع الأهلىعبد الرحمن الحسينى
وكتب عبد الرحمن على صفحته عبر فيسبوك: "اليوم انتهى تعاقدى مع النادى الأهلى، بيتى والمكان اللى بدأ فيه رحلتى وحياتى الرياضية كلها، الحمدلله راضى على كل السنين والإنجازات التى حققتها وربنا كرمنى بيها".
وتابع "وحان الوقت إنى أخوض تجربة جديدة وحلم آخر هو اللعب فى أوروبا وإن شاء الله تكون خطوة كويسة ليا تساعدنى إنى كمان اروح مكان أحسن وأحقق حلمى فى اللعب فى أكبر فرق أوروبا".
وأضاف: "لكن حبى وإمتنانى لكل اللحظات اللى عشتها مع النادى الأهلى وجماهيره هى السبب إنى أكتب الكلام ده دلوقتى عشان هما كانوا السبب الأول والداعم الأول ليا فى السنوات الفاتت كلها وديه حاجة مقدرش انكرها، مش حاجة سهلة عليا إنى أعلن نهاية رحلتى مع النادى عشان دى حاجة صعب تنتهى ده المكان اللى عشت فيه حياتى كلها والرحلة إن شاء الله مكملا ولنا عودة".
وأوضح: "فى النهاية بشكر النادى ومجلس الإدارة والنشاط الرياضى على تفهم رغبتى وبشكر جماهير النادى الأهلى على كل حاجة رقم 1 دائما وأبدا".
ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.
