وجه أحمد سيد "زيزو"، نجم منتخب مصر، رسالة مؤثرة إلى الجماهير عقب توديع الفراعنة بطولة كأس العالم 2026، وذلك عبر صفحته الرسمية على موقع التواصل الاجتماعي "إنستجرام".

للمزيد من أخبار كأس العالم 2026 اضغط هنا..

وجاء نص رسالة زيزو كالتالي:"اللي حصل مش مجرد إنجاز كروي… دي لحظة هتفضل محفورة في تاريخ مصر. فخور جدًا باللي حققناه، وفخور أكتر إني كنت جزء من رحلة رسمت البسمة على وشوش ملايين المصريين. مفيش إحساس يوازي إنك تشوف شعب كامل فرحان، ورافع راسه، وحاسس بالفخر ببلده.

من زمان كان حلمنا إن مصر تكتب تاريخ جديد في كأس العالم، والنهارده الحلم بقى حقيقة. الإنجاز ده مش ملك جيل ولا مجموعة لاعبين، ده إنجاز باسم كل مصري آمن، وصبر، وفضل يساند لحد آخر لحظة.

فرحة مصر النهارده بالدنيا كلها، ومفيش بطولة أو لقب يساوي لحظة تشوف فيها علم بلدك مرفوع، واسمها بيتردد بكل فخر واحترام بين أكبر منتخبات العالم الحمد لله دائماً وأبداً، وأسأل الله أن تكون هذه البداية فقط، وأن تبقى راية مصر دائمًا في أعلى مكان.. تحيا مصر".

وكان منتخب مصر ودع منافسات كأس العالم 2026 من دور الـ16، بالهزيمة أمام منتخب الأرجنتين، بثلاثية مقابل هدفين، في اللقاء الذي جمع المنتخبين، مساء الثلاثاء، على ملعب مرسيدس بنز بمدينة أتلانتا الأمريكية، لينتهى مشواره المشرف في البطولة التي تُقام للمرة الأولى في تاريخها بنظام الاستضافة المشتركة بين الولايات المتحدة الأمريكية وكندا والمكسيك.