ضج موقع التواصل الاجتماعي فيسبوك أمس بعدما نشرت فتاة قصتها والاعتداء الأسري التي تتعرض له منذ ولادتها حتي الآن وارفقت مجموعة من الصور التي تثبت كلامها ،وناشدت الرئيس عبدالفتاح السيسي والمسؤولين بمساعدتها وانقاذها.

قالت فتاة تدعي رنيم :” أنا هحكي قصتي و مش خايفه من حاجه مع اني عارفه اني هتبهدل بعد ما احكي بس فضلا اللي مهتم يقرأ للاخر انا طالبه لسه مخلصه ٣ ثانوي متعلمه و ليا حياتي و تفكيري و طريقتي المحترمه ف الكلام و اكيد ده هيكون ملحوظ ف كلامي و كانت حياتي الي حد ما مش مستقره نهائي و انا راضيه و بقول الحمدلله قصتي هتبدأ من وانا عندي سنه و انا لا بحكي عشان استعطف حد ولا عاوزه حد يقف جمبي انا كل اللي عاوزاه حقي بس مش اكتر انا اتوادت و كبرت لقيت نفسي طفله واحده معنديش اخوات و بلا اب و الحمدلله ده حال كتير من البشر و محدش معندوش مشاكل و مفيش بيت مستقر ديما والدي دكتور اطفال شغالي ف الرياض ووالدتي رئيسه تمريض ف القنطره شرق سابني وانا عندي سنه و انفصل عن والدتي و بعدها سافر اتجوز تاني و حاليا عنده ولد والدي لو شافني معديه من جمبه مش هيعرفني من يوم ما اتولدت لا بيصرف عليا ولا يعرف حتي سني و لا يعرف شكلي عامل ازاي دخلت كتير ف محاولات اني اتقرب منه واحاول اكلمه علي مواقع التواصل الاجتماعي المختلفه مكنتش بلاقي غير “بلوك” ابويا شبه عملي بلوك من حياته كلها هتقولولي طب عمامك و جدك للاسف جدي متوفي و معنديش عمام و اخر مره كلمت جدتي بسبب ان ولدتي كانت كسرالي رجلي جددتي ردت عليا بالحرف “اوعي ف يوم م الايام تفكري تيجي عندي ولا انك تتربي و تعيشي معايا احترمي نفسك و متتصليش تاني” رضيت و قولت الحمدلله لكن مش ده الجانب الوحش خالص و مش ده الجانب اللي كات بيآذيني بالعكس ولكن مكالمه جدتي دفعتني اني اول ما طلعت بطاقه رفعت قضيه نفقه بسبب ظروف و مصاريف الحياه للصعبه وللاسف معرفتش اثبت ابويا قبضه قد اي و اتحكملي بمبلغ قليل جدا و هو ٢٠٠٠ الدكتور وائل محمد شرف موسي طبيب اطفال ف الرياض من سنه ٢٠٠٢ اكيد بياخد مبلغ كبير جداا و رضيت بردو و قولت الحمدلله و مماشيه نفسي بيهم و كل ده بردو مش الجانب الوحش كل ده اي بني ادم يقدر يستحمله و يعديه ولا يكلف الله نفسا الا وسعها نيجي بقي للكرثه الحقيقيه اللي انا بتكلم عشانها و عشان كم الجرايم اللي بقينا بنشوفها من ان الاهل بيقتلوا اولدهم الحمدلله انا فضلت عايشه عشان احكي غيري ماتوا و معرفوش انا قررت احكي وانا عارفه اني هدفع تمن غالي بس لازم احكي لان المجتمع بقي غير سوي زياده عن اللزوم و لازم نحط حد للمهزله دي ولازم يصدر قانون يحميني انا واللهي ف سني من الاعتداء الاسري و للاسف مش كل الستات تصلح تكون امها و منهم والدتي الاستاذه الممرضه : سماح محمد سباق محمد رئيسه التمريض و مفتشه الجوده في اداره القنطره شرق الصحيه و يريت الاداره تشوف البوست و يبدأوا ياخدوا اي اجرأ تجاهها لانها مش سويه نفسيا نهائي و انا عاوزه بس اقول ان كم العياط والاستعطاف اللي هي بتعمله عشان تبين للناس انها مش مريضه ده ف حد ذاته مرض هي بتخدع التاس بالعياط و القصص المأسويه عشان تطلع هي بريئه و كويسه للاسف انا انا عايشه مع الست دي ف عذاب من وانا طفله ده غير الاضطرابات النفسيه اللي حصلتلي بسبب فقدان ابويا و تفكك الاسره و مع ذلك اتخطيت و طلعت متفوقه جدا ف دراستي و بشهاده المدرسين و المدرسه اللي كنت فيها ف اعدادي و ف ثانوي كنت طفله لسه و كان جسمي بيتشوه و بتعذب بكل انواع التعذيب و للاسف كنت لوحدي تماما و مكنش بيتاخد معاها اي اجراء بسبب دموع التماسيح و الاستعطاف و اكتشفت مؤخرا ان مفيش اي قانون بيحمي اللي زي من اعتداء اهلهم و اتصدمت ان ده موجود بس ف الدول المتقدمه كنت بتحرق ف جسمي و بتكهرب و بتغرق ف البانيو و كل ده و عمري لا يتعدي ال ٩ سنين وانا عندي ١٥ سنه فضلت اضرب علي رجلي بمصوره حديد لحد ما اتكسرت و رحت المستشفي الاميري ف الاسماعيليه و هناك كانوا كلهم زمايلها و محدش سأل فيا ولا رضي ياخد اي اجراء و انا بدين بردو ناس كتير ف الحته دي ممكن يدمروا حياه حد زيي من غير ما يحسوا بسبب تصروفات عفويه و حد هيسألني فين خلانك و خلاتك جدي و جدتي من امي توفاهم الله و عندي ٣ خلات بدون مبالغه مش معترفين انهم يعرفوني اصلا و عندهم جفا من نحيتي بشكل رهيب بسبب مشاكل كتير بنهم و بين مدام سماح “امي” و عندي خال واحد بيشرب انواع مخدرات وللاسف بتغيب عقله و مبيبقاش متحكم ف تصرفانه اخر مره حبسني ف اوضه و استني البيت يفضي و نزل فيا ضرب انا بس عاوزه اسأل “ليه كده” دي بقي العيله الجميله المشرفه جدا اللي انا منها و مع ذلك قررت يبقي ليا حياتي الخاصه الكويسه بعيد عن كل العنف و المشاكل اللي انا اتربيت فيها و للاسف اللي انا شوفته مستحيل شويه كلام علي سطور دلوقتي يوصفه انا عنيت معناه شديده كنت بتفضح ف دروسي و مدرستي كتت بتضرب ف الشارع صحابي كانوا بيبعدوا لما والدتي كانت بتكلمهم عني وحش و ضرب ف الشارع و تقول بضربها عشان هتطفش و تتبلا عليا و تفضحني وسط الجران ازاز باب يتكسر عليا شعري يتقطع ف ايدها و مش عاوزه حد يطلع يقولي اي يعني ما كل الاهل بيضربوا ولدهم و للاسف ملقتش اي مبرر للي هي بتعمله غير انها بتنتقم ف ابويا مني “بس انا اي غلطي واي ذنبي” و اخيرا و ليس اخرآ انا اتجبرت البس الطريحهوانا عندي ١١ سنه مكنتش اعرف اصلا يعني اي حجاب و طبعا اتجبرت بنفس الطريقه اللي انا اتربيت بيها ف طول حياتي “الضرب” و ف يوم ف اعدادي اتناقشت معاها و قولتلها انا نفسي اقلها انا لبساها غصب عني كأي حوار برئ بين اي ام و بنتها فجأه لقيت الصوت بيعلي و بتنده ع الجيران طبعا طلعوا شتموني و ضربوني و ده اللي هي كانت بتسمح بيه لكل الناس مش بس للجيران ف سكت و رضيت و قولت مش مهم ام و خايفه علي بنتها و بتلتزم بالدين عشان متتحاسبش لحد امبارح وصلت كم البشاعه و المرض و الجحود لمنتهاه هي دي بقي المرحله اللي الامهات اللي بتقتل بناتها بتوصلها انا خلصت  امتحانات ثانوي و قررت اخيرا اني هتكلم معاها تاني ف موضوع الحجاب ف قعدت اكتر من تلت ساعات بقنع فيها اني مش مقتنعه بيه و اني محتاجه اعرف عنه اكتر و افهم معناه و محتاجه حد يفهمني كان ردها بكل بساطه “هو كده كل الناس لبساه” و ده يوم الحد الموافق ٨/٨/٢٠٢١ نزلت معاها لاول مره بشعري من غير طرحه و قالتلي انا مقتنعه بموضوع الحجاب و يلا عشان هخدك اخرجك ف انا فرحت جدا و لبست نزلتني من العربيه علي طريق الدائري عند نادي الدوحه و قالتلي روحي ي و شتمت و انا استغربت ردت الفعل و مشيت ف شارع الدوحه ده و للاسف مبصتش ورايا لاني كنت بفكر ف الموقف وانا ماشيه و لقيت نفسي بطير من علي الرصيف ف نص شارع الدوحه ببص ورايا لقيت “امي اللي خبطاني” الناس اتلمت راحت شخطه فيهم فمشيوا عشان كانوا ولاد صغيرين و خافوا و بعدين شالتني و عاوزه تدخلني العربيه بالعافيه و انا بتألم كل ده م الوجع فضلت اصوت و استنجد و معروف ان الشارع ده مش بيعدي منه عربيات كتير لحد ما نصيبي طبيب شغال ف صيدليه قريبه من الشارع وقف بالعربيه الله يصلح حاله و بعد ما نزل م الصويت بدأت الناس تتلم تاني عليا و سألوني هل دي امك قولت اه امي قالولي هي اللي خبطاكي قولتلهم اه و هي نزلت قالتلهم اه انا خبطاها بقصدي عشان “عاوزه تطفش”الله يصلح حالهم الناس اللي كانوا ف الشارع لو شافوا البوست انا بشكرهم جدا بجد انهم لقحوني و شالوني رحت مستشفي جامعه قناه السويس الطوارئ مكنش في حتي سرير ادخل عليه عشان ضهري كان هيتقسم بعدها رحت علي هاله ابو زيد الخصوخي حولوني علي مركز اشعه الايمان اللي عند الموقف القديم ف الاسماعيليه عملت اشاعه و رجعت المستشفي طلع عندي كسر ف الحوض و الناس اللي كانوا واقفين ودوها علي القسم عشان بتعمل محضر راحت اتكلمت من تلفونها الشخصي و هي جوا القسم و بعتتلي ناس صحابها قعدوا يقنعوا فيا بالحسنه اني اروح اتنازل عن المحضر و رحت و قولت امي اكيد مش هحبسها ولا هسبها تبات ف القسم رحت هناك الظابط اول ما دخلت قالي انزلي هنا كلميني و مش مقتنع ان ضهري مكسور قالي لا هتنزلي عشان تمضي ع المحضر فضل نص ساعه يزعقلي و يخوفني عشان امضي و فضل يقولي هحبسك معاها و “يلا عاوزين نروح و نقفل القسم” و “شدها ي امين سيد م العربيه و ارميها ف الحجز” حسبي الله و نعم الوكيل اتنازلت و اول ما طلعت تفت عليا و فبقولها ليه كده ي ماما قالتلي متقوليش ي ماما مشيت مع ناس قريبي عشان ابات عندهم و بكره او بعده بالكتير اشد حيلي كده و هعمل فيديو اشرح فيه الحدثه بالتافصيل بالمناسبه الحدثه نازله علي #اسماعيليه_مباشر للي عاوز يصدق علي كلامي انا بس كل كلامي ده بطالب بقانون يحميني انا واللي زيي مش اكتر من كده مش ظابط يشخط فيها و يقولي هحبس معاها لو متنازلتيش يريت بس تفعلوا الهاشتاج ده عشان حقي يرجع عشان يا عالم انا دلوقتي عايشه بتكلم محدش يعرف لو ايدها طالتني تاني ممكن اي يحصل انقذوني و خليكوا جمبي

وبعد المنشور بساعات قليلة نشرت رنيم بعض الكلمات أنها مريضه نفسيا وهذا يدل علي تهديدها من قبل والدتها.

وتفاعل معها الكثير من الرواد وطالبوها بعدم الخوف والاستسلام وأنهم بجانبها.

#قانون_ضد_الاعتداء_الاسري