انهار المطرب والملحن طارق فؤاد، من البكاء علي الهواء، قائلا:”صحيت الصبح فجاة لقيت نفسي أخرس وملقتش صوتي”.
معاناة طارق فؤاد
وأوضح خلال لقائه ببرنامج “العرافة” المذاع علي قناة “النهار”:”لما روحت المستشفى قالولي إن السبب في الخرس بخاخات الكورتيزون اللي كنت باخدها بكثرة بسبب حساسية في صدر، ولكن مش ده السبب الحقيقي بدليل ان رجوع الصوت حصل من عند ربنا”.
فضل الصلاة علي النبي
وأضاف:”رجع ليا صوتي لما مدحت سيدنا النبي صلي الله عليه وسلم، ولم أشعر بالخذلان من عدم وقوف بعض الزملاء معي لأن فيه ناس كتير وقفت معايا”.
دعم تامر حسني وتركي آل الشيخ
ولفت:”تامر حسني وتركي آل الشيخ وأحمد بدير ومحمد الحلو وقفوا معايا في أزمتى الصحية لما صوتي راح، كل شهر كنت ألاقي محمد الحلو باعتلي واحد بظرف فيه فلوس”.
تخلي مدحت صالح وعلي الحجار عن طارق فؤاد
وأشار:” زعلت من مدحت صالح وعلي الحجار خذلوني واتخلوا عني محدش حتى سأل عليا منهم في التليفون”. ومدحت صالح لأنه كان عشرة عمر وتخلي عني في أزمتى، محمد الحلو جالي وتامر حسني جالي لحد البيت ووقف معايا ماديا ومعنويا وتركي آل الشيخ وقف معايا وسفرني اتعالج برة..وتابع:”رغم ان مدحت صالح وعلي الحجار اتخلوا عني الا اني كل جمعة ببعتلهم جمعة مباركة، وعمرهم أبدا ما بيردوا عليا ومستمر ابعت لأني بحبهم”.
