متابعة بتجــرد: أثارت الفنانة منة فضالي موجة واسعة من الجدل عبر مواقع التواصل الاجتماعي بعد تصريحاتها الصريحة والدفاع المستمر عن الحيوانات، حيث عبّرت عن استيائها من بعض تصرفات البشر، معتبرةً أن الحيوانات أكثر وفاءً ونقاءً من الإنسان.

وفي تصريحات صحافية، قالت منة: “البني آدم أكتر عدو لنفسه، الحيوان أنضف من البني آدم، بأقولها في كل مكان. الحيوان مش بيطلب أكتر من إنه يأكل ويشرب، لكن الإنسان بيغلط في الناس وأعراضهم، وبيعمل مشاكل… دا بني آدم مش سوي.”

وأضافت: “نفسي أي جهة مختصة تاخد إجراء إيجابي ضد الناس المحرّضة على قتل الحيوانات، والناس اللي بتنفذ ده، لأن الموضوع زاد عن حده جداً.”

وكانت منة فضالي قد نشرت عبر حسابها الرسمي على “إنستغرام” مجموعة صور مع كلابها، ووجهت رسالة مطوّلة أثارت اهتمام المتابعين، قالت فيها: “عارفة إن في ناس مبتحبش الكلاب، بس حقيقي مفيش أحن ولا أوفى منهم. بحبهم من قلبي، وهما بيحبوني. يمكن ربنا ما كرمنيش أكون أم لأطفال، لكن الكلاب دي أنا بعتبرهم ولادي بجد.”

ودعت منة إلى الاهتمام بالحيوانات قائلة: “إحنا عندنا ناس كتير في حياتنا، لكن هما معندهمش غيرنا… كفاية إن مفيهمش غدر بني آدم ممكن تأكله في بيتك، وبينكم عيش وملح، لكنه يكون أول شخص ينهش في لحمك.”

وتأتي تصريحات منة في إطار حملتها الشخصية للدفاع عن الحيوانات، وسط انتقادات متباينة من الجمهور، بين داعم لما تقوله ومعترض على الأسلوب الحاد الذي اختارته في التعبير عن مشاعرها.