belbalady.net أزمة شركة صروح العقارية بالشرقية تتصاعد: محاكم وعقود ناقصة لمئات العملاء
تفاصيل خطيرة| 500 حاجز بلا عقود في مشروع سكني بالعاشر من رمضان
قال ممدوح الحسيني، أحد المتضررين من مشروع سكني تابع لشركة صروح العقارية بالعاشر من رمضان: "إحنا نحو 500 شخص دفعنا مقدمات للوحدات، وكلنا كنا متأكدين إن الموضوع رسمي، فيه عقود واستلامات، وكل حاجة ماشية حسب القانون لكن لغاية دلوقتي، أقل من ثلث العملاء استلموا عقودهم الرسمية، والباقي واقفين من غير أي أوراق أو ضمانات".
وأضاف ممدوح خلال مشاركته في برنامج "خط أحمر" الذي يقدمه الإعلامي محمد موسى على قناة الحدث اليوم: «الموضوع مش بس فلوس ضاعت، ده كمان حلمنا اللي ضاع. كل دفعة دفعناها داخل مقر الشركة الرسمي، عندنا إيصالات ومستندات، ومع ذلك الشركة قالت إن المسوق اللي جمع الفلوس هرب، وفلوسنا راحت فين؟ ما حدش بيعرف".
وأشار إلى أن الأزمة بدأت في أواخر 2021، وتصاعدت خلال 2022 و2023، مؤكدًا: «اضطررنا نرفع قضايا على الشركة، وكسبنا بعض الأحكام الابتدائية، لكن الحق الكامل ما رجعش. إحنا مش طالبين حاجة زيادة غير إن حقوقنا ترجع».
وختم متضرر تصريحاته برسالة تحذيرية: «اللي حصل ده جرس إنذار لكل حد بيحط فلوسه في أي مشروع عقاري. لازم الشركات تتحمل مسؤوليتها، والمسؤولين عن أي تلاعب يتحاسبوا، عشان ما يحصلش نفس الكارثة مرة تانية».