قدم برنامج "حياة كريمة"، المذاع على قناة دي إم سى، ويقدمه أيمن مصطفى، تجربة عمل خيري لصاحب سوبر ماركت يضع فى مدخل المحل يافطة مكتوب عليها "عرض خاص لذوى الاحتياجات الخاصة قادرون باختلاف كيس+ رز وكيس شعرية+ كيلو سكر بـ20 جنيها.. فقط أفندينا بيت الخير".
وعرض صاحب المحل فكرة عمله الخيرى قائلا: "ربنا يجعلنا نعمل خير أكتر من كده احنا فى منطقة حلون مدينة الموظفين المحل ده بقاله 12 سنة وبيكبر سنة بعد سنة وليا شغل تانية وماسك مدير مبيعات فى شركة، ومبيعات المحل منها 15% ديون ومش بنضغط على حد وبنطلع الحاجات والموضوع بالنسبة لنا مش فلوس بس ولكن خير".
واستكمل: "اللى شغالين معايا مش عمالة فقط وعارفين اللى عليه ديون مش بيسرق أكل وشرب ولكن هو عايز ياكل ويشرب وأنا جربت التجارة مع الناس بره مصر واللى فيها لله تكسب".
وأهدى أيمن مصطفى، صاحب محل السوبر الماركت ميدالية أبطال حياة كريمة ومبلغ مالى لتخفيف الديون عن المحتاجين، موضحا أن الغرض من الدعم المالي حتى يستطيع المحل مساعدة المحتاجين وتوفير احتياجات الصندوق.
ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.
